नेपालगन्ज ७, असोज ।
बाँकेमा बुधवार २८ कोरोना भाइरसका नयाँ संक्रमित थपिएका छन् । भेरी अस्पताल नेपालगन्जको प्रयोगशालमा १६, नेपालगन्ज मेडिकल कलेज कोहलपुरको प्रयोगशालामा ९ र बागेश्वरी प्रयोगशालामा ३ गरी कोरोना भाइरस संक्रमणका २८ संक्रमित थपिएको स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।
थपिएका नयाँ संक्रमितमा १३ महिला र १५ पुरुष छन् । बुधवार थपिएका संक्रमितसँगै बाँकेमा भाइरस संक्रमितको संख्या १ हजार ७ सय २ पुगेको छ । निको भएर घर जानेको संख्या १ हजार ३ सय ३७ पुगेको छ ।
अहिलेसम्म बाँकेमा भाइरस संक्रमणबाट ११ जनाको मृत्यु भएको छ ।
