काठमाडौं ०३, भदौ ।
पछिल्लो २४ घण्टामा नेपालमा कोरोना भाइरसका ६८१ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार ६८१ संक्रमित थपिएसँगै नेपालमा कुल कोरोना संक्रमितको संख्या २८ हजार ९३८ पुगेको छ ।
पछिल्लो २४ घण्टामा देशभरका विभिन्न अस्पतालबाट १२० जना डिस्चार्ज भएका छन् । त्यसैगरी हालसम्म १७ हजार ७०० जना डिस्चार्ज भएका छन् । यस्तै कोरोना संक्रमणबाट पछिल्लो २४ घण्टामा ६ जनाको मृत्यु भएको छ ।
योसँगै नेपालमा कोरोनाबाट ज्यान गुमाउनेको संख्या १ सय २० पुगेको मन्त्रालयले जनाएको ।
