काठमाडौं १९, पुष ।
आइतबार नेपालमा ४ सय २१ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा देशभरबाट ६ सय ३७ जना कोरोना संक्रमण मुक्त भएर डिस्चार्ज भएका छन् । योसँगै अब देशभर कोरोना भाइरस संक्रमण पुष्टि हुनेहरुको कुल संख्या २ लाख ६१ हजार ८ सय ५९ पुगेको छ।

स्वास्थ्य तथा जनसंख्या मन्त्रालयका अनुसार कोरोना भाइरस संक्रमण मुक्त हुनेहरुको कुल संख्या २ लाख ५४ हजार ४ सय ९४ पुगेको छ। देशभर ५ हजार ४ सय ८७ जना सक्रिय संक्रमित रहेका छन्।

पछिल्लो २४ घन्टामा थप ८ जनाको ज्यान गएको छ। योसँगै नेपालमा कोरोना भाइरस संक्रमणबाट ज्यान गुमाउनेको कुल संख्या १ हजार ८ सय ७८ पुगेको छ।