काठमाडौंः डा जागेश्वर गौतमलाई हटाउँदै डा रुद्र मरासिनीलाई कोभिड युनिफाइड केन्द्रीय अस्पताल (वीर)को प्रमुख प्रशासकीय अधिकारी पदमा नियुक्त गरिएको छ। भरतपुर अस्पताल सुधारमा डा मरासिनीको योगदान उच्च रहेको जानकारहरु बताउँछन् । हाल राष्ट्रिय ट्रमा सेन्टरमा कार्यरत हुनुहुन्थ्यो ।

सोमबार स्वास्थ्य मन्त्रालयले राज्यमन्त्रिस्तरिय निर्णय गर्दै डा मरासिनीलाई कोभिड युनिफाइड केन्द्रीय अस्पतालको प्रमुख प्रशासकीय अधिकारी पदमा नियुक्त गरिएको हो।

उहाँ चितवनको भरतपुर अस्पतालको मेडिकल सुपरिटेन्डेन्ट समेत रहनुभएको थियो । यसअघि सो पदमा रहेका डा जागेश्वर गौतम विवादित भएपछि उहाँलाई थापाथलीमा रहेको प्रसूती तथा स्त्री रोग अस्पतालमा सरुवा गरिएको छ।