नेपालगन्जः बाँकेमा कोरोना परीक्षण गर्नेको संख्यामा कमि आएसँग संक्रमितको संख्यामा पनि कमी आएको छ ।
जिल्लाका तीनवटा प्रयोगशालामा पीसीआर परीक्षण गर्ने दर घटेको छ । परीक्षण गरिएकोमा संक्रमण दर समेत कमी देखिएको जिल्ला कोभिड व्यवस्थापन समितिले जनाएको छ ।
बिहीबार एक सय ७६ जनाले कोरोना परीक्षण गरेका छन्। त्यसमा २७ जनालाई कोरोना पुष्टि भएको छ। कोरोना पुष्टि भएकामध्ये बाँके जिल्लाका ५ जना मात्रै छन्।
भेरी अस्पतालमा ६४ जनाको परीक्षण गरिएकोमा १५ जना, कोहलपुर मेडिकल कलेजमा ६१ जनाको परीक्षण गर्दा ५ जना र बागेश्वरी ल्याबमा ५१ जनाको परीक्षण गर्दा २७ जनालाई कोरोना पुष्टि भएको समितिका फोकलपर्सन तेज वलीले जानकारी दिनुभयो ।
अस्पताल र ल्याबमा गएर परीक्षण गर्नेहरु सामान्य लक्षण देखिएका हुन्छन्। संक्रमितको सम्पर्कमा आएका केहीले परीक्षण गर्ने गरिएको पाइएको छ ।
जिल्लामा केही दिनयता परीक्षण नै कम भइरहेको छ भने त्यसमा पनि पोजिटिभ देखिने कम रहेका छन्। बाँकेमा परीक्षण गरिए पनि धेरै मानिस बाहिरी जिल्लाका हुने गर्दछन्। समितिका अनुसार, पछिल्ला दिनमा गम्भीर संक्रमितको संख्या पनि घट्दै गएको छ ।
