नेपालगन्ज २२, असोज ।
बाँकेमा कोरोना भाइरस संक्रमणबाट मुक्त हुनेको संख्या १७ सय नाघेको छ । विहीबार २९ जना डिस्चार्ज भएसँगै संक्रमणबाट निको हुनेको संख्या १ हजार ७ सय ९ पुगेको बाँकेका कोरोना फोकलपर्सन नरेश श्रेष्ठले जानकारी दिनुभयो ।
विहीबार डिस्चार्ज हुनेमा १६ जना होमआईसोलेसनमा बसेका थिए । बाँकेमा संक्रमितको संख्या अहिलेसम्म २ हजार २ सय ३८ पुगेको छ ।
संस्थागत र होमआइसोलनमा ५०७ जना बसिरहेका छन् ।
बाहिरी जिल्लाको १८ जना पनि बाँकेकै आइसोलेसनमा बसिरहेका छन् । भाइरस संक्रमणबाट बाँकेमा २१ जनाले ज्यान गुमाएका फोकलपर्सन श्रेष्ठले बताउनुभयो ।
