नेपालगन्ज १४, असोज ।
बाँकेमा बुधवार थप २६ जनामा कोरोना भाइरस संक्रमण देखिएको छ । भेरी अस्पतालको प्रयोगशालामा गरिएको परिक्षणमा १० जना, नेपालगन्ज मेडिकल कलेज कोहलपुर प्रयोगशालामा १२ जना र बागेश्वरी प्रयोगशालामा ४ जना गरी २६ जनामा कोरोना संक्रमण देखिएको बाँकेका कोरोना फोकलपर्सन नरेश श्रेष्ठले जानकारी दिनुभयो।

यो सहित बाँकेमा कोरोनाबाट संक्रमित हुनेको संख्या १ हजार ९ सय १३ पुगेको छ । बुधवारसम्म १ हजार ५ सय ४१ जना कोरोना जितेर घर फर्केका छन । जिल्लाका विभिन्न आइसोलेसन सेन्टरमा ३ सय ५६ जना संक्रमित उपचारमा रहेका छन् । बाँकेमा बुधवारसम्म १६ जनाको मृत्यु भएको छ ।