डा केसीको जीवन रक्षाका लागि चिकित्सक संघले गरायो सरकारको ध्यानाकर्षण

    • स्वास्थ्य पेज

  • १४ आश्विन २०७७, बुधबार

काठमाडौं १४, असोज ।
१७ औँ दिनदेखि अनशनरत डा गोविन्द केसीको जीवन रक्षाका कुनै पहल नगरेको भन्दै नेपाल चिकित्सक संघले सरकारको ध्यानाकर्षण गराएको छ । १८ औँ अनशनका बेला डा केसीसँग गरिएको सम्झौता अनुसार सरकारलाई उहाँका माग पूरा गर्न संघले माग गरेको छ।

विज्ञप्तिमा भनिएको छ, ‘सरकार स्वयंले स्वामित्व ग्रहण गरिसकेका सम्झौताहरुको अक्षरस कार्यान्वयन गरी सर्वसाधारण नागरिकहरुको गुणस्तरीय स्वास्थ्य सेवा र चिकित्सा शिक्षामा सहज पहुँचका लागि भनी गरिएको १९ औँ शान्तिपूर्ण सत्याग्रहको भावना र मर्मलाई सम्मान गर्दै अबिलम्ब वार्ता टोली गठन गरेर डा केसीको जीवन रक्षा गर्नु नेपाल सरकारकै प्रमुख दायित्व हो। त्यसैले सार्थक वार्ता गरी उत्पन्न समस्याको यथा सिघ्र समाधान निकाल्न नेपाल चिकित्सक संघ जोडदार माग गर्दछ।’

डा केसीको जीवन रक्षाका निम्ती सरकारले वार्ता टोली गठन नगरे कठोर कदम चाल्न बाध्य हुने संघले चेतावनी दिएको छ।

  • १४ आश्विन २०७७, बुधबार प्रकाशित

  • स्वास्थ्य पेजमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

    -स्वास्थ्य पेज

    Nabintech