नेपालगन्ज १४, असोज ।
बाँकेमा बुधवार ३४ जना कोरोना संक्रमित निको भएर डिस्र्चाज भएका छन् । जिल्लाका विभिन्न आइसोलेसन सेन्टरबाट १७ महिला र १७ पुरुष डिस्चार्ज भएको बाँकेका कोरोना फोकल पर्सन नरेश श्रेष्ठले जानकारी दिनुभयो ।
अव जिल्लाका विभिन्न आइसोलेसनमा अन्य जिल्लाका ९ जनासमेत गरी ३ सय ४० जना बसिरहेका छन् ।आज डिस्चार्ज हुनेहरुमा स्वास्थ्यकर्मी, कैदीबन्दी लगायतका छन् ।
उनीहरु भदौ ३१ गते कोरोना संक्रमण पुष्टि भएका थिए । बाँकेमा कोरोना भाइरस जितेर घर फर्किनेको संख्या १ हजार ५ सय ४१ पुगेको छ । कोरोना भाइरस संक्रमितको संख्या १ हजार ८ सय ८७ पुगेको छ ।
चार महिला र एघार पुरुष गरी १५ जनाको भाइरस संक्रमणबाट मृत्यु भएको छ ।
