नेपालगन्ज १३, असोज ।
बाँकेमा मंगलवार थप ४४ जना कोरोनामुक्त भई डिस्चार्ज भएका छन् । १५ महिला र २९ जना पुरुष डिस्चार्ज भएका हुन् । योसंगै बाँकेमा कोरोनामुक्त भई डिस्चार्ज हुनेको संख्या १ हजार ५ सय ७ पुगेको बाँकेका कोरोना फोकल पर्सन नरेश श्रेष्ठले जानकारी दिनुभयो ।
जिल्लाका विभिन्न आइसोलेसनमा बाहिरी जिल्लाका ८ गरी ३ सय ४८ जना रहेका छन् । बाँकेमा १ हजार ८ सय ६० जनामा कोरोना पुष्टि हुँदा १५ जनाको मृत्युु भइसकेको छ ।
