काठमाडौं ७, असोज ।
नेपालमा कोरोना भाइरसको संक्रमणबाट पछिल्लो २४ घण्टामा थप ७ जनाको मृत्यु भएको छ। स्वास्थ्य मन्त्रालयका अनुसार मृत्यु हुनेमा एक महिला र ७ पुरुष छन्।
बर्दियाका ६४ र ३९ वर्षीय पुरुष, झापाका ८६ वर्षीय पुरुष, सिरहाका ५० वर्षीय पुरुष, काठमाडौँका १६ वर्षीय किशोर र ६८ वर्षीया महिला र ललितपुरका ७४ वर्षीय पुरुषको कोरोनाबाट मृत्यु भएको स्वास्थ्य मन्त्रालयले जनाएको छ।
यससँगै नेपालमा हालसम्म कोरोना भाइरसको संक्रमणबाट ज्यान गुमाउनेको संख्या ४३६ पुगेको छ।
