नेपालगन्जः मनसुनी वर्षासँगै मनसुनजन्य रोगको संक्रमण देखिन थालेको छ । अझ पछिल्लो समय परेको अविरल वर्षाले त झनै जोखिम बढाएको चिकित्सक बताउँछन् ।
बर्खाको समयमा दूषित पानीका कारण झाडापखाला, टाइफाइड ,ज्वरो आउने, टाउको दुख्ने, जन्डिस तथा छालासम्बन्धी समस्या लिएर अस्पताल पुग्ने बिरामी बढ्न थालेका छन् ।
यस्तो बेला उमालेको वा क्लोरिन हालेर सफा पारेको पानी मात्र पिउनुपर्ने सुझाव चिकित्सकको छ । त्यसैगरी सडेगलेका तथा बासी खाना खान हुँदैन । फलफूल तथा तरकारी शुद्ध पानीले सफा गरेर मात्र खानुपर्ने सुझाव पनि चिकित्सकले दिने गरेको छ ।
वर्षाको समयमा खाना तथा पानीमा हेलचेक्र्याइँ गर्दा पानीजन्य रोगको संक्रमण बढ्ने बढ्दा झाडापखाला, ज्वरो, टाउको दुख्नेलगायत समस्या देखिने गर्छन् ।
