नेपालगन्जः डेंगीको संक्रमणबाट कैलालीमा एक महिलाको मृत्यु भएको छ ।
धनगढी उपमहानगरपालिका वडा नम्बर १२ की ३५ वर्षीया गीता शाहीको डेंगीको संक्रमणबाट मृत्यु भएको हो । उहाँको केही समयदेखि निसर्ग अस्पतालमा उपचार भइरहेको थियो। उपचारकै क्रममा उहाँको मृत्यु भएको स्वास्थ्य कार्यालय कैलालीका प्रमुख लालबहादुर धामीले बताउनुभयो ।
साउन १ गतेपछि कैलालीको लम्कीचुहा नगरपालिकामा मात्र २५ जनामा डेंगी संक्रमण भएको पाइएको छ । डेंगी संक्रमणबाट बच्नका लागि सतर्क रहन स्वास्थ्यकर्मीहरुले आग्रहसमेत गरेका छन् ।
