गुलरियाः छिमेकी जिल्ला बाँके र कैलालीमा कोरोना संक्रमितको संख्या बढेसँगै बर्दियामा पूर्वतयारीलाई तीब्र पारिएको छ । गुलरिया नगरपालिकामा अक्सिजन सहितको २७ बेडको कोभिड अस्पताल संचालनमा ल्याउँने तयारी पूरा भएको छ ।
हरेक स्थानीय तहमा अक्सिजन सहितको बेड भएको कोभिड अस्पताल संचालनमा ल्याउँने क्रममा बर्दिया स्थित गुलरिया नगरपालिकामा पनि २७ बेडसहितको कोभिड अस्पताल महिला विकास भवनमा संचालन ल्याउने तयारी पूरा भएको जिल्ला कोभिड १९ संकट व्यवस्थापन केन्द्रका फोकलपर्सन नरेश श्रेष्ठले जानकारी दिनुभयो ।
जिल्लाका ८ वटै स्थानीय तहमा कोभिड अस्पताल सन्चालनमा ल्याउने तयारी गरिएको पनि जानकारी दिनुभयो ।
अस्पताल संचालनमा आएसँगै अब बर्दिया जिल्लाका सिकिस्त बिरामी मात्र अक्सिजन सहितको एम्बुलेन्समा भेरी अस्पताल र नेपालगंज मेडिकल कलेज कोहलपुर पठाउने व्यवस्थामा गरेको फोकल पर्सन श्रेष्ठले बताउनुभयो ।
