धनगढीः डोटीमा भारतबाट आएर होमक्वारेन्टिनमा बसेका एक युवक मृत्यु भएको छ।

११ दिनअघि भारतको गुजरातबाट फर्केका दिपायल सिलगढी नगरपालिका–१ घटालीका युवकको मृत्यु भएको जिल्ला प्रहरी कार्यालय डोटीका प्रहरी नायव उपरिक्षक इन्द्र मल्लले जानकारी दिनुभयो ।

उहाँकाअनुसार भारतमा सँगै काम गर्ने उनका दाजुको कोरोना संक्रमणका कारण गत शनिबार भारतमा मृत्यु भएको थियो।

दाजुको मृत्युपछि घर फर्केका ती युवकको पनि कोरोनाकै कारण मृत्यु भएको आशंका गरिएको छ। युवकको मृत्युपछि गाउँका स्थानीय त्रसित छन्।

सामान्य स्वास्थ्य समस्यापछि एकाएक छटपटाहट बढेको र मंगलबार घरमा उनको मृत्यु भएको हो।