नेपालगन्ज: कोरोना भाइरस संक्रमण तिब्र रुपमा फैलिएको र जिल्लामा उपचारका लागि बेड समेत अभाव हुन थालेपछि नेपालगन्ज मेडिकल कलेज शिक्षण अस्पताल कोहलपुरले आजदेखि पुन आइसोलेसन वार्ड सन्चालनमा ल्याएको छ ।
अस्पतालले भेरी अस्पतालमा कोरोना संक्रमित बिरामीहरुको चाप बढ्दा बेडको अभाव हुनथालेपछि संक्रमित बिरामीहरुको उपचारका लागि तत्काल ३० बेडको कोभिड आइसोलेन वार्ड र १५ बेडको कोभिड आइसियु सन्चालनमा ल्याएको जानकारी दिएको हो ।
शुक्रबार नेपालगन्ज मेडिकल कलेजका सहायक निर्देशक नितेश कुमार कनौडियाले एक सूचना जारी गर्दै भेरीले बिरामी थेग्न नसक्ने स्थिति भएपछि पुन कोभिडका बिरामीको उपचार सेवा सुरु गर्न लागेको जनाउनुभएको छ । अस्पतालका अन्य सेवा भने नियमित हुनेछन् ।
