नेपालगन्ज: नेपालगन्ज स्थित जमुनहा नाकामा थप एकजनामा कोरोना भाइरस संक्रमण पुष्टि भएको छ । ठाकुरबाबा २ बर्दियाका ४० वर्षिय पुरुषमा कोरोना भाइरस संक्रमण पुष्टि भएको बाँकेका कोभिड फोकलपर्सन तेज वलीले जानकारी दिनुभयो ।
भारतबाट आउनुभएका उहाँमा संक्रमण पुष्टि भएको र भेरी अस्पतालको आइसोलेसनमा राख्ने तयारी भैरहेको वलीले बताउनुभयो । भारतमा कोरोना संक्रमण तिब्र रुपमा बढ्न थालेपछि त्यसको जोखिम नेपालमा समेत पर्नसक्ने भन्दै भारतबाट आउनेहरुको नाकामा जाँच भैरहेको छ।
हालसम्म जमुनहा नाकामा भारतबाट नेपाल आउनुभएका ५ जनामा कोरोना भाइरस संक्रमण पुष्टि भएको छ ।
