नेपालगन्ज:आज पाहाडमा र भोली तराईमा फागु पूर्णिमा अर्थात होली पर्व मनाइदैछ ।
होलीमा रङ खेलेर एकआपसमा मज्जा लिने गरिन्छ । रङहरुको यो पर्वमा यदि सामान्य कुरामा ख्याल गरिएनभने विभिन्न स्वास्थ्य समस्या झेल्नुपर्ने हुनसक्छ।
होलीको बेला प्रयोग गरिने रङहरुले छाला, कपाल, आँखा लगायतमा समस्या निम्त्याउन सक्छन् । रङमा प्रयोग गरिएका रसायनका कारण अनुहार र कपालमा विभिन्न समस्या आउन सक्छन् ।
होली खेल्ने क्रममा अत्याधिक रङ,रसायन प्रयोग भएका रङ, इनामेल, अण्डा लगायत प्रयोग गर्न नहुने छाला रोग विशेषज्ञ डा.बद्री चापागाई बताउनुहुन्छ । होली खेल्नुअघि र खेलिसकेपछि अनुहारमा मोस्चराइजर तथा सन स्क्रिन क्रिम राम्रो सँग लगाउन डा.चापागाई सुझाउनुहुन्छ ।
छालालाई जोगाउन रङ पखाल्दा सफा पानीको प्रयोग गर्ने, रङ निकाल्नका लागि छाला बेस्सरी नरगड्ने, छालाबाट सजिलै रङ निकाल्न खेल्नुअघि तेल लगाउने, र सकेसम्म कपालमा रङहरुको प्रयोग नगर्न डा.चापागाई सबैमा आग्रह गर्नुहुन्छ ।
होली खेल्दा ध्यान दिनुपर्ने कुराहरुबारे जानकारी दिनुहुदै डा बद्री चापागाई
डा.चापागाई भेरी अस्पताल नेपालगन्जमा प्रमुख कन्सल्टेन्ट डर्माटोलनेजिस्ट (छाला रोग विशेषज्ञ)का रुपमा कार्यरत हुुनुहुन्छ ।
