नेपालगन्जः केही दिन देखि दुई अंकमा सीमित कोरोना संक्रमितको संख्या फेरि तीन अंकमा पुगेको छ । पछिल्लो २४ घण्टामा देशभर ११४ जना कोरोनामा संक्रमण देखिएको छ। स्वास्थ्य तथा जनसंख्या मन्त्रालयका अनुसार देशभरका प्रयोगशालामा २ हजार ७९० जनामा गरिएको पिसिआर परीक्षणमा ११४ मा संक्रमण देखिएको हो।
हालसम्म २२ लाख २१ हजार ५१२ जनामा गरिएको पिसिआर परीक्षणमा २ लाख ७५ हजार ४२४ जनामा संक्रमण पुष्टि भएको छ।आज ९४ जना व्यक्तिहरु निको भई डिस्चार्ज भएका छन्। निको हुनेको संख्या हालसम्म २ लाख ७१ हजार ४९५ पुगेको छ।
आज देशभर ९१५ सजना सक्रिय संक्रमित छन् भने ५१ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ।
