नेपालगन्जः बर्दियाको बासगढीस्थित एसओएस स्वास्थ्य केन्द्रमा विहीबार निशुल्क बाल रोग स्वास्थ्य शिविर सम्पन्न भएको छ ।
उक्त शिविरमा ६० जना बालबालिकाको स्वास्थ्य चेकजाँच गरिएको ओलास्का रामारोशन मेडिकल हलका संचालक सन्तोष शाहले जानकारी दिनुभयो । रामारोशन मेडिकल हल, एसओएस मेडिकल सेन्टर र लायन्स क्लव नेपालगन्ज अफ सेन्ट्रलकाे आयोजनामा स्वास्थ्य शिविर गरिएको हो।
ती बालबालिकाहरुलाई निशुल्क परामर्श सेवासँगै ल्याव र औषधि पनि प्रदान गरिएको शाहले बताउनुभयो । भेरी अस्पताल नेपालगन्जका बालरोग विशेषज्ञ डा.विष्णुबहादुर थापाले बालबालिकाहरुको स्वास्थ्य चेकजाँच तथा परामर्श गर्नुभएको हो ।
