सुर्खेत १, माघ ।
कर्णाली प्रदेशमा पछिल्लो २४ घण्टामा ६ जनामा कोरोना भाइरस संक्रमण पुष्टि भएको छ । ४३ जनाको पीसीआर परीक्षण गर्दा ६ जनामा कोरोना संक्रमण पुष्टि भएको हो ।
योसँगै प्रदेशभर हालसम्म कोरोना भाइरस संक्रमण पुष्टि हुनेहरुको कुल संख्या ७ हजार ४५३ पुगेको छ । गएको २४ घण्टामा कोभिड पुष्टि हुनेहरुमा सुर्खेतका ३ जना र सल्यानका ३ जना रहेको प्रदेशको सामाजिक विकास मन्त्रालयले जारी गरेको सुचनामा उल्लेख छ ।
मन्त्रालयका अनुसार पछिल्लो २४ घण्टामा प्रदेशभर ९ जना कोरोना संक्रम्ण मुक्त भई डिस्चार्ज भएका छन् । योसँगै कर्णाली प्रदेशमा हालसम्म कोरोना संक्रमणबाट निको भएर डिस्चार्ज हुनेहरुको कुल संख्या ७ हजार १५९ पुगेको छ ।
प्रदेशभर कोरोना भाइरस संक्रमणका कारण हालसम्म २८ जनाले ज्यान गुमाएका छन् ।
