काठमाडौं २४, पुष ।
निर्वाचन आयोगले आगामी वैशाखमा तय भएको निर्वाचनका लागि स्वास्थ्य सुरक्षासम्बन्धी कार्यविधि र मापदण्ड तयार गर्ने सम्बन्धमा स्वास्थ्य तथा जनसंख्या मन्त्रालयसँग छलफल गरेको छ ।
आयोगका प्रमुख निर्वाचन आयुक्त दिनेशकुमार थपलियाको उपस्थितिमा आयोगका सचिव, स्वास्थ्य तथा जनसंख्या मंत्रालयका सचिवलगायत आयोगका अधिकृतहरूको सहभागितामा छलफल भएको हो ।
निर्वाचनसम्बन्धी गतिविधि सञ्चालनका लागि अपनाउनुपर्ने तथा पालना गर्नुपर्ने स्वास्थ्य सुरक्षा सम्बन्धमा निर्वाचन लक्षित स्वास्थ्य सुरक्षा मापदण्ड तयार गरी निर्वाचनमा अवलम्बन गर्ने सम्बन्धमा छलफल गरिएको बताईएको छ ।
