नेपालगन्जः बाँकेमा यही कातिक १० गतेदेखि भेरोसेलको दोस्रो डोज दिइने भएको छ । ४५ देखि ४९ वर्ष उमेर समूहका व्यक्तिहरुलाई भेरोसेलको दोस्रो डोज दिन लागिएको स्वास्थ्य कार्यालय बाँकेले जनाएको छ ।

उनीहरुले गएको असोज १२, १३ र १४ गते भेरोसेलको पहिलो डोज लगाएका थिए । यही १० र ११ गते ३१ हजारलाई दोस्रो डोज दिन लागिएको कार्यालयको भनाइ छ । यस्तै १८ वर्षमाथिका ७५ हजार मानिसलाई भने तिहारपछि दोस्रो डोज दिइने छ ।

उनीहरुले गएको असोज २३, २४ र २५ गते पहिलो डोज लगाएका थिए ।

बाँकेमा अहिलेसम्म ९७ हजारले कोरोनाविरुद्धको खोपको पूर्ण मात्रा लगाएका छन् भने पहिलो मात्रा लगाउनेको संख्या २ लाख १० हजारको हाराहारीमा रहेको स्वास्थ्य कार्यालयको तथ्याङ्कमा उल्लेख छ ।