काठमाडौं: गएको २४ घण्टामा देशभर थप १४७ जनामा कोरोना भाईरस संक्रमण पुष्टि भएको छ ।
१ हजार ७७३ नमुना परीक्षण गर्दा १४७ संक्रमित थपिएको स्वास्थ्य तथा जनसंख्या मन्त्रालयले सार्वजनिक गरेको तथ्यांकमा उल्लेख छ । १ हजार ४४६ नमुनाको पीसीआर परीक्षण गर्दा १३६ जना र ३२७ जनाको एन्टिजेन विधिबाट परीक्षण गर्दा ११ जनामा संक्रमण पुष्टि भएको हो ।
देशभर संक्रमण मुक्त भएर थप ८४५ जना डिस्चार्ज भएको मन्त्रालयले जनाएको छ ।
यस्तै संक्रमणबाट पछिल्लो २४ घण्टामा थप एकजनाको मृत्यु भएको छ ।
