नेपालगन्ज: कोरोना भाइरस संक्रमणका कारण बाँकेमा थप तीन जनाको मृत्यु भएको छ । नेपालगन्ज मेडिकल कलेज शिक्षण अस्पताल कोहलपुरमा दुईजना र आर्मी अस्पतालमा एकजनाको मृत्यु भएको हो ।
जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीका अनुसार मृत्यु हुनेहरुमा नेपालगन्ज उपमहानगरपालिका-७ का ४४ वर्षिय पुरुष, मोतिपुर-८ सुर्खेत (हाल बासगढी बर्दिया) का ५३ वर्षिया महिला र कोहलपुर नगरपालिका-११ का ४१ वर्षिया महिला हुनुहुन्छ ।
नेपालगन्ज ७ का ४४ वर्षिय पुरुष र कोहलपुर ११ का ४१ वर्षिया महिलाको मेडिकल कलेजमा उपचारका क्रममा मृत्यु भएको हो । त्यस्तै मोतिपुर-८ सुर्खेतका ५३ वर्षिया महिलाको सैनिक अस्पताल नेपालगन्जमा मृत्यु भएको हो ।
उहाँको स्वास्थ्यमा समस्या आएपछि बैशाख २७ मा कोभिड परीक्षणका लागि श्वाब लिईएको थियो । बैशाख ३० मा कोभिड संक्रमण पुष्टि भएका उहाँको आज ९:०५ बजे मृत्यु भएको हो ।
योसँगै बाँकेमा उपचारका लागि जिल्ला बाहिरबाट आएका १७७ जना र जिल्लाकै २३१ जनाको मृत्यु भईसकेको छ ।
