नेपालगन्ज: बाँकेका दुईवटा प्रयोगशालामा गरिएको पीसीआर परीक्षणमा थप २६३ जनामा कोरोना भाइरस संक्रमण पुष्टि भएको छ ।
मेडिकल कलेजको पीसीआर प्रयोगशालामा १५७ नमुना परीक्षण गर्दा ११३ जना र बागेश्वरी ल्याबको प्रयोगशालामा २२२ नमुना परीक्षण गर्दा १५० जनामा कोभिड संक्रमण पुष्टि भएको जिल्ला कोभिड-१९ संकट व्यवस्थापन केन्द्रले जनाएको छ ।
केन्द्रले सार्वजनिक गरेको तथ्यांकमा भेरी अस्पतालको प्रयोगशालाको रिर्पोट र जमुनाह नाकामा गरिने एन्टिजेन परीक्षणको रिर्पोट भने समावेश छैन ।
