काठमाडौं २८, असार ।
बलिउड अभिनेत्री ऐश्वया राय बच्चन र उहाँकी छोरी आराध्या बच्चनलाई पनि कोरोना संक्रमण पुष्टि भएको छ। दोस्रो चरणको कोरोना परीक्षणमा ऐश्वर्या र आराध्यामा कोरोना पोजेटिभ देखिएको हो।

जया बच्चनको भने दोस्रो चरणको टेस्टमा कोरोना नेगेटिभ नै देखिएको छ। यो सँगै बच्चन परिवारमा ४ जनामा कोरोना पोजेटिभ भएको छ। बरिष्ठ अभिनेता अमिताभ बच्चन र उहाँका छोरा अभिषेक बच्चनलाई यसअघि नै कोरोना संक्रमण पुष्टि भइसकेको छ ।

७७ वर्षका अभिताभलाई कोरोना भाइरस संक्रमणको कुनै लक्षण देखिएको छैन । अमिताभ र अभिषेकलाई कोरोना भाइरसको संक्रमण भएको खबर आएपछि बलिउडका धेरै कलाकारहरुले उनीहरुको स्वास्थ्य लाभको कामना गरेका छन् ।