नेपालगन्ज २३, कात्तिक ।
बाँकेमा आइतबार थप ३७ जना संक्रमित कोरोना जितेर डिस्चार्ज भएका छन् । योसँगै बाँकेमा कोरोना जितेर डिस्चार्ज हुनेको संख्या ३ हजार ५९ पुगेको छ।
जिल्ला कोभिड १९ संकट व्यवस्थापन केन्द्र बाँकेका कोरोना फोकल पर्सन नरेश श्रेष्ठका अनुसार बिभिन्न आइसोलेसन केन्द्रबाट १७ महिला र २० पुरुष गरि आज ३७ संक्रमित डिस्चार्ज भएका हन् ।
जिल्लामा कोरोना संक्रमितको संख्या ३ हजार ३ सय ९२ रहेको छ भने ३५ जना संक्रमितको मृत्यु भइसकेको छ। जिल्लामा हाल विभिन्न आइसोलेसन केन्द्रमा अन्य जिल्लाका २२ सहित ३ सय २० जनाले बसिरहेका छन् ।
