बुुटवल २८, असोज ।

स्थापनापछि पहिलो पटक लुुम्बिनी प्रदेश लोक सेवा आयोग बुटवलले स्वास्थ्यतर्फ विज्ञापन प्रकाशन गर्दै कर्मचारी माग गरेको छ ।आयोगले बुधबार जारी गरेको सूचनाअनुसार स्वास्थ्यको आठौं तहतर्फ ४९ जना र सातौंतर्फ १५ जना कर्मचारी माग गरेको हो ।

आयोगले सातौंतर्फ नर्सिङ, फिजियोथेरापिस्ट, ल्याब टेक्नोलोजिस्ट माग गरेको लुम्बिनी प्रदेश लोक सेवा आयोगका प्रवक्ता सूर्यप्रसाद भुसालले जानकारी दिनुभयो ।

भुसालका अनुसार निवेदन दिने अन्तिम म्याद कात्तिक १८ गतेसम्मका लागि राखिएको छ । योग्यता पुगेका इच्छुक व्यक्तिले दोब्बर दस्तुर तिरेर कात्तिक २५ गतेसम्म निवेदन दिन सक्ने सूचनामा उल्लेख गरिएको छ ।