दाङ १२ जेष्ठ ।
काठमाडौंमा रहेका तुलसीपुर दाङका एक संक्रमित कोरोना भाइरसलाई जितेर अस्पतालबाट डिस्चार्ज भएका छन् । जेठ २ गते काठमाडौंको टकु अस्पतालमा पिसिआर विधिवाट गरिएको परीक्षणमा तुलसीपुर उपमहानगरनगरपालिका ४ रक्षाचौर निवासी ४७ बर्षीय ती पुरुषमा कोरोना भाइरस देखिएको थियो ।
संक्रमितले ९ दिन पाटन अस्पतालको उपचार पछि जेठ ११ गते निको भएर डिस्चार्ज भएका छन् । दोस्रो र तेस्रो पटक गरिएको पिसिआर परीक्षणमा उनको रिपोर्ट नेगेटिभ आएपछि आइतवार बेलुका उनलाई अस्पतालले डिस्चार्ज गरेको हो ।
शान्तिनगर गाउँपालिका निवासी बहिनी ज्वाँईको उपचारका लागि डेढ महिना अगाडि काठमाडौंमा गएका उनलाई शिक्षण अस्पतालमा विरामी कुरुवाको रुपमा बस्दा संक्रमण भएको शंका गरिएको थियो ।
