भेरी अस्पतालमा कोरोना संक्रमित अर्का विरामीलाई प्लाज्मा दिइयो

    • स्वास्थ्य पेज

  • २४ भाद्र २०७७, बुधबार
तस्विरः फाइल

तस्विरः फाइल

नेपालगन्ज २४, भदौ ।

भेरी अस्पताल नेपालगन्जमा उपचाररत् कोरोना संक्रमितका गम्भीर अर्का विरामीलाई पनि प्लाज्मा थेरापी विधिबाट उपचार सुरु गरिएको छ ।

नेपालगन्जका ५९ बर्षीय पुरुषमा बुधवार प्लाज्मा चढाइएको उपचारमा संलग्न अस्पतालका फिजिसियन डा.खगेन्द्रजंग शाहले जानकारी दिनुभयो । नेपाली सेनाका जवान रामहरी अधिकारीले संक्रमित व्यक्तीलाई प्लाज्मा दिनुभएको हो । यसअघि सल्यानका २९ बर्षीय पुरुषलाई प्लाज्मा दिइएको थियो ।

प्लाज्मादाता नेपाली सेनाका जवान रामहरी अधिकारी

प्लाज्मादाता नेपाली सेनाका जवान रामहरी अधिकारी

उनको स्वास्थ्य अवस्थामा उत्साहजनक सुधार आएको छ । बुधवार प्लाज्मा दिइएका व्यक्तीको अवस्था भने गम्भीर रहेको उपचारमा संलग्न चिकित्सकहरुको भनाइ छ ।

प्लाज्मा दिनु अघि उनलाई रेमडिसिभिर औषधि समेत दिइएको छ । स्वास्थ्यमा समस्या भएपछि ती पुरुष गएको शनिवार अस्पताल भर्ना भएका थिए । कोरोनासँग मिल्दोजुल्दो लक्षण देखिएपछि उनको आइतवार स्वाब लिइएको थियो । र, सोमवार रिर्पोट पोजेटिभ आएको थियो ।

उनको दुवै फोक्सोमा निमोनिया भएको चिकित्सकहरुको भनाइ छ । संक्रमित पुरुषमा श्वासप्रश्वासमा गम्भीर समस्या देखिएको छ । कोरोनाका गम्भीर विरामीमध्ये भेरी अस्पतालले अहिलेसम्म दुईजनालाई प्लाज्मा र दुईजनालाई रेमडिसिभिर औषधि दिएको छ ।

  • २४ भाद्र २०७७, बुधबार प्रकाशित

  • स्वास्थ्य पेजमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

    -स्वास्थ्य पेज

    Nabintech