नेपालगन्ज २३, साउन ।
बाँकेमा शुक्रबार चारजना कोरोना संक्रमित निको भएर घर फर्किदै छन् । नेपालगन्जका दुई र कोहलपुरका दुई गरी चारजना उपचारपछि घर फर्किन लागेका हुन् । ती मध्य कोहलपुरका महिला हुन् ।
उनीहरु सुशील कोइराला प्रखर क्यान्सर अस्पतालको आइसोलेसनबाट डिस्चार्ज हुन लागेका हुन् । नेपालगन्जका दुई पुरुष भने आर्दशनगर आइसोलेसनबाट डिस्चार्ज हुन लागेको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।
बाँकेमा कूल संक्रमित ४ सय ९८ पुग्दा ३ सय ९८ जना भने निको भएर घर फर्किका छन् । अहिले बाँकेका विभिन्न आइसोलेसनमा बाँकेसहित अन्य जिल्लाका गरी एक सय दुईजना छन् ।
