काठमाडौं १३, साउन ।
सरकारी चिकित्सक संघ नेपालको चौथो कार्यकालका लागि अन्तिम नामावली प्रकाशित भएको छ। संघको साउन २४ गते हुन लागेको पूर्वनिर्धारित निर्वाचनको कार्यक्रम समय तालिका अनुसार अन्तिम नामावली प्रकाशित भएको हो। अध्यक्षको लागि डा.रविन खड्का र डा.समाज गौतमको उम्मेदवारी परेको छ। डा. खड्का राजनीतिक रुपमा नेकपा र डा.गौतम काग्रेंस निकट मानिनुहुन्छ ।

अध्यक्षको उम्मेवारी दार्ता गराएका डा.दिपक थापामगरले उम्मेदवारी फिर्ता लिनुभएको छ। नेपालमा चिकित्सकहरूको संगठनमा अनलाइनमा प्रविधिबाट पहिलो पटक निर्वाचन हुन लागेको हो। चुनावको मिति तय भएसँगै चिकित्सकमाझ चटारो पर्न गएको छ। चुनावी माहोलसँगै संगठनमा सदस्यता फैलिने क्रम बढ्दो रहेको छ।

चुनावी माहोलभन्दा अगाडी संघमा ५ सयको हाराहारीमा सदस्यता रहेको थियो। हाल २ भन्दा बढी सदस्यता बढ्न गई ७ सयभन्दाले सदस्यता लिइरहेको संघले जनाएको छ।