काठमाडौ १६,कात्तिक ।
कोरोना संक्रमितहरुको उपचारका लागि धरौटी नलिन स्वास्थ्य तथा जनसंख्या मन्त्रालयले सरकारी अस्पतालहरुलाई निर्देशन दिएको छ ।
कोरोनाको नियमित प्रेस ब्रिफिङका क्रममा मन्त्रालयका प्रवक्ता डा जागेश्वर गौतमले धरौटी मागेका सरकारी अस्पतालहरुसँग स्पष्टीकरण सोधिएको बताउनुभयो ।
उहाँले सक्ने व्यक्ति स्वयंले उपचार गर्ने र नसक्नेहरुको उपचार सरकारले नै गर्ने निर्णय यथावत् रहेको बताउनुभयो।
धरौटी सहितका विभिन्न अस्पतालका सूचना प्रकाशन पछि अहिले सामाजिक सन्जालमा चर्को विरोध भैरहेको छ ।
