काठमाडौंः तिलगंगा आँखा प्रतिष्ठानले विस्तारित सेवा सुरु गर्ने भएको छ। प्रतिष्ठानले कोरोना महामारीको समयमा सेवाग्राहीको चापलाई व्यवस्थित गर्न भदौ १६ गतेदेखि विस्तारित सेवा सुरु गर्न लागेको जनाएको छ।

प्रतिष्ठानले बिहान ८ बजेदेखि ३ः३० नियमित सेवा बाहेक साँझ ६ः३० बजेसम्म विस्तारित आँखा सेवा प्रदान गर्ने जानकारी दिएको छ।

कार्यालय समयभित्र समय मिलाउन असहज भएका र व्यस्तताका कारण बिहान तथा दिउँसो उपचार सेवा लिन नसक्ने सेवाग्राहीका लागि विस्तारित सेवा सुरु गरेको जनाउँदै दिउँसो ३ बजेदेखि साँझ ६ बजेसम्म नाम दर्ता गराई सेवा लिन सक्ने प्रतिष्ठानले जनाएको छ।

त्यसबाहेक नियमित र प्रिमियम सेवा दिन चाहने सेवाग्राहीले दिउँसो ८ बजेदेखि २ः३० बजेसम्म समय नाम दर्ता गराउन सक्ने बताइएको छ।