नेपालगन्जः ग्लोबल आइएमइ बैंकको ८ औँ वार्षिकोत्सवको अवसरमा “स्वस्थ नारी पहल कार्यक्रम” अन्तर्गत बाँकेको कम्दीमा निःशुल्क महिला स्वास्थ्य शिविर तथा स्वास्थ्य परीक्षण गरिएको छ । बाँकेको डुडुवा गाउँपालिका–५, कम्दीमा भएको उक्त शिविरमा १६२ जनाले सेवा लिएका थिए ।
विशेषगरी ग्रामीण क्षेत्रका महिलाहरूलाई लक्षित गरेर शिविर गरिएको हो । त्यससँगै स्वास्थ्य सम्बन्धी सचेतना अभिवृद्धि गर्नुका साथै प्रारम्भिक चरणमै रोग पहिचानमा सहयोग पुग्ने उद्देश्यले पनि शिविर महत्वपूर्ण बनेको स्वास्थ्य चेकजाँचमा खटिएका प्रसूति तथा स्त्रीरोग विशेषज्ञ डा सन्देश आचार्यले जानकारी दिए ।
शिविरको आयोजना ग्लोबल आइएमइ बैंकले गरेको हो भने प्राविधिक सहयोग नेपाल परिवार नियोजन संघ बाँके शाखाले प्रदान गरेको शाखा प्रवन्धक रश्मी श्रेष्ठले जानकारी दिइन् । कार्यक्रमको समन्वय भने डुडुवा गाउँपालिकाले गरेको थियो ।
