नेपालगन्जः ‘स्वास्थ्य नै धन हो शान्ति नै शक्ति हो । आउनु होस् मानव जाति हामी सबै मिलेर योग गरौं स्वस्थ सबल नेपालको निर्माण गरौं’ भन्ने मुल नाराका साथ योग समिति नेपाल को ३६ औं योग केन्द्रको भव्य उद्घाटन हुनुका साथै योग व्यवस्थापन समिति समेत गठन गरिएको छ ।
योग समिति नेपाल, केन्द्रिय कार्यालय नेपालगञ्जको आयोजनामा बाँकेको खजुरा गाउँपालिका वडा नं ४ मा योग केन्द्रको उद्घाटन एक भव्य समारोहबीच सम्पन्न भयो।
कार्यक्रमका प्रमुख अतिथि खजुरा गाउँपालिकाका अध्यक्ष डम्बरबहादुर बिक ‘तुफान’ रहेका थिए। उनले योग समिति नेपाल केन्द्रिय कार्यालय नै बाँके जिल्लामा अवस्थित भएको र खजुरा गाउँपालिकाले यस योग समिति नेपालले चालेको अभियानलाई पहिलो रोजाइको रूपमा लिएको बताए। उनले पालिकाको हरेक कार्यक्रम योग समिति नेपालसँग समन्वय गर्दै अघि बढ्ने र सक्दो सहयोग गर्ने प्रतिवद्धता समेत व्यक्त गरे।
वडा नम्बर ४ का अध्यक्ष टेकबहादुर बुढा मगर योगगुरु आयुर्वेदाचार्यको प्रेरणादायी मार्गदर्शन र योग प्रशिक्षकहरूको बाक्लो उपस्थितिमा सामुहिक योगअभ्यास ध्यान गरिएको थियो । केन्द्रिय सचिव चिरञ्जीवी ज्ञवालीले संचालन गर्नु भएको कार्यक्रममा ३२ औं योग केन्द्रका संयोजक सुरेश खत्रीले स्वागत मन्तब्य राखेका थिए भने ३६ योग केन्द्रका प्रमुख संयोजक राम चन्द्र तिवारीले कार्यक्रमको उदेश्यको बारेमा प्रकास पारेका थिए ।
कार्यक्रममा केन्द्रिय पदाधिकारीहरू, अन्तर्राष्ट्रिय संयोजक, जिल्ला संयोजक, वडा संयोजक, योग प्रशिक्षकहरू, आजीवन सदस्य, साधारण सदस्य, वडा कार्यालयका पदाधिकारीहरू, सचिव, स्थानीय सामाजिक तथा बौद्धिक ब्यक्तिहरूको उपस्थिति रहेको थियो । ३६औं योग केन्द्र व्यवस्थापन समिति समेत गठन गरिएको छ।
प्रमुख संयोजकमा योग प्रशिक्षक रामचन्द्र तिवारी ,संयोजकमा देबराज बि सी ,सह–संयोजक योग प्रशिक्षक प्रेम बि सी, सदस्यहरूमा शेर बहादुर बि सी, लीला कुमारी बुढा, शंकर चन्द, खडक बहादुर ओली, उज्वल बिसी, देब बहादुर बुढा रहेका छन् भने सल्लाहकारहरूमा टेकबहादुर बुढा मगर, बिदुर लामिछाने, दिलबिर बुढा रहेको योग समिती नेपालका उपाध्यक्ष लोकमाया सुवेदी (सुमित्रा) ले जानकारी दिइन् ।
कार्यक्रमले समुदायमा स्वास्थ्य, आत्मअनुशासन र सामाजिक समन्वयको महत्वमा ध्यान दिन प्रेरणा दिएको छ एवं नयाँ केन्द्रले स्थानीय तहमा योगको अभ्यास र प्रचार–प्रसारमा उल्लेखनीय भूमिका खेल्ने अपेक्षा समेत गरिएको थियो ।
