कोहलपुर: ‘हो हामी क्षयरोग अन्त्य गर्न सक्छौँ’ भन्ने मुख्य नाराका साथ आज विश्व क्षयरोग दिवस, कोहलपुरमा र्यालीसहित कोणसभा गरी मनाइएको छ ।
कोहलपुर नगरपालिका नगर स्वास्थ्य शाखाको आयोजनामा आयोजित र्यालीमा जनप्रतिनिधि, स्वास्थ्यकर्मी र सरोकारवालाहरुको उपस्थिति थियो ।
सामाजिक विकास समिती संयोजक इश्वरी प्रसाद विकको अध्यक्षतामा नगर अस्पतालबाट सुरू भएको र्याली नगरका विभिन्न भागको परिक्रमा गरि चौराहमा पुगेर कोणसभामा परिणत भएको जन स्वास्थ्य निरीक्षक प्रेम पाण्डेले बताउनुभयो ।
कार्यक्रममा कोहलपुर नगर स्वास्थ्य शाखा प्रमुख अनिल सेन ठकुरी लगायतले मन्तव्य ब्यक्त गर्नु भएको थियो । उहाँले क्षयरोग नियन्त्रणका लागि जनचेतना र परीक्षण आवश्यक रहेको बताउनुभयो ।
