नेपालगन्ज: कास्कीको पोखरामा दुर्घटनामा परेको यती एयलाइन्सको विमानमा दुई जना चिकित्सक पनि परेका छन् ।
दुर्घटनाग्रस्त यती एयरलाइन्सको विमानमा ट्रमा सेन्टरमा कार्यरत अर्थोपेडिक सर्जन डा. सुशील श्रेष्ठ पत्नी डा. सोना दिवाकर र १० महिने छोरा पनि सवार रहेको खुलेको छ ।
डा. श्रेष्ठ पत्नी सोना र १० महिने छोरासहित छुट्टी मनाउन पोखरा उडेको बताइएको छ ।
पोखरा स्थायी घर भएका डा. श्रेष्ठले काठमाडौं मेडिकल कलेजबाट एमबीबीएस र न्याम्सबाट अर्थोपेडिक सर्जरीमा एमडी गर्नु भएको थियो ।
डा. श्रेष्ठले गण्डकी मेडिकल कलेज र म्याग्दीको दरबाङ स्वास्थ्य चौकीमा मेडिकल अधिकृतका रूपमा काम गर्नु भएको थियो ।
यती एयरलाइन्सको ६१९ फ्लाइट नम्बरको विमान आइतबार काठमाडौंबाट १० बजेर ३३ मिनेटमा उडेको पोखराका लागि उडेको थियो ।
१० बजेर ५४ मिनेटदेखि सम्पर्कविहीन भएको यतीको विमान सेती नदीको खोचमा दुर्घटनामा परेको हो ।