काठमाडौं: पछिल्लो २४ घण्टामा देशभर ५ हजार ७६३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १४ हजार ४०३ जनाको नमुना परीक्षण गर्दा ५ हजार ७०६ जना र ५६६ नमुना एन्टिजेन विधिबाट परीक्षण गर्दा ५७ जना गरि कुल ५ हजार ७६३ जनामा संक्रमण पुष्टि भएको छ ।
योसँगै नेपालमा कोरोना भाइरस संक्रमण पुष्टि हुनेहरुको कुल संख्या ३ लाख २८ हजार ८९३ पुगेको छ । गएको २४ घण्टामा संक्रमण मुक्त भएर देशभरबाट १ हजार २८७ जना डिस्चार्ज भएका छन् । योसँगै कोरोनाबाट नेपालमा निको हुनेहरुको कुल संख्या २ लाख ८२ हजार ३८२ पुगेको छ ।
संक्रमणका कारण पछिल्लो २४ घण्टामा देशभर १९ जनाको मृत्यु भएको मन्त्रालयमा रिर्पोट भएको छ । कोभिडका ४३ हजार २१३ जना संक्रिय संक्रमित अहिले स्वास्थ्य लाभ गरिरहेका छन् ।
