एजेन्सीः फ्रान्स र पोल्याण्डमा फेरि आंशिक रुपमा लकडाउन लागु भएको छ । कोरोना भाइरसको संक्रमण पुनः बढ्न थालेपछि आंशिक लकडाउन लागु गरिएको हो ।

राजधानी पेरिससहित फ्रान्सका १६ स्थानमा महामारीको तेस्रो लहरको जोखिम बढ्दै गएपछि आंशिक लकडाउन लागु भएको हो । यसबाट दुई करोड १० लाख मानिस प्रभावित भएका छन् ।

पोल्याण्डमा पसल, होटल तथा खेलकुद र साँस्कृतिक गतिविधि सञ्चालन हुने केन्द्रहरु प्रभावित भएका छन् । तीन हप्तासम्म पोल्याण्डभर लकडाउन लागु हुनेछ ।

जर्मनीमा पनि संक्रमण तीव्र गतिमा बढिरहेको छ । चान्सलर एङ्गेला मर्केलले पुनः लकडाउन लगाउनु पर्ने अवस्था आउन सक्ने बताउनुभएकोछ ।

युरोपमा खोपको आपूर्तिमा भएको ढिलाई तथा केही देशमा खोपको साइडइफेक्टलाई लिएर खोप अभियान प्रभावित भएको छ ।