काठमाडौं ८, माघ ।
पछिल्लो २४ घण्टामा नेपालमा कोरोना संक्रमणका कारण थप चारजनाको मृत्यु भएको छ । योसँगै कोरोनाका कारण मृत्यु हुनेको संख्या एक हजार नौ सय ७९ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा पीसीआर गरिएका पाँच हजार ३० मध्ये तीन सय ३६ जनाको नतिजा पोजेटिभ आएको छ ।
बिहीबारसम्म जम्मा संक्रमितको संख्या दुई लाख ६८ हजार ६ सय ४६ जना पुगेको छ । त्यस्तै पछिल्लो चौबीस घण्टामा २२६ जना निको भएका छन् । योसँगै देशमा कोरोनामुक्त हुनेको संख्या दुई लाख ६२ हजार ८ सय ६८ पुगेको छ ।
हालसम्म क्वारेन्टिनमा १७२ जना छन् भने तीन हजार ७ सय ९९ जना आइसोलेसनमा रहेको मन्त्रालयले जनाएको छ ।
