काठमाडौं ६, माघ ।
पछिल्लो २४ घण्टामा देशभर ३४८ जनालाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ४ हजार ९५६ जनाको पीसीआर परीक्षण भएकोमा ३४८ जनालाई कोरोना पोजेटिभ देखिएको हो । मंगलवार थपिएका संक्रमितमध्ये २१८ जना काठमाडौं उपत्यकाका रहेका छन् ।

मंगलवार थपिएकासँगै नेपालमा कोरोना संक्रमितको संख्या २ लाख ६७ हजार ९९२पुगेको छ । संक्रमण पुष्टि भएकामध्ये २ लाख ६२ हजार २५९ जना निको भएका छन् । पछिल्लो २४ घण्टामा ४४१ जनाले कोरोना जिते ।

यसैगरी २४ घण्टामा ४ संक्रमितको मृत्यु भएको छ । हालसम्म कोरोना संक्रमित मृतकको संख्या १ हजार ९६९ पुगेको छ । मंगलवार सक्रिय संक्रमितको संख्या ३ हजार ७६४ रहेको रहेको छ ।