काठमाडौं २, माघ ।
देशभरका विभिन्न प्रयोगशालामा गरिएको पीसीआर परीक्षणमा शुक्रबार थप २७० जनामा कोरोना भाइरस संक्रमण पुष्टि भएको छ ।
३ हजार ८४ नमुना परीक्षण गर्दा ९० जना महिला र १८० जना पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै देशभर कोरोना भाइरस संक्रमण पुष्टि हुनेहरुको कुल संख्या २ लाख ६६ हजार ८१६ पुगेको छ ।
गएको २४ घण्टामा ३९० जना कोरोना संक्रमणबाट निको भएर डिस्चार्ज भएका छन् । योसँगै कोरोना संक्रमण मुक्त हुनेहरुको कुल संख्या २ लाख ६० हजार ५६७ पुगेको छ । मन्त्रालयका अनुसार पछिल्लो २४ घण्टामा ५ जनाको कोरोना संक्रमणका कारण ज्यान गएको छ ।
योसँगै कोभिड संक्रमणका कारण नेपालभर हालसम्म ज्यान गुमाउनेहरुको कुल संख्या १ हजार ९४८ पुगेको छ ।
अब देशभर ४ हजार ३०१ जना कोभिड पुष्टि भएका सक्रिय संक्रमित स्वास्थ्य लाभ गरिरहेका छन् ।
