नेपालगन्ज: बाँकेमा शनिबार थप ४४५ जनामा कोरोना भाइरस संक्रमण पुष्टि भएको छ । जिल्लाका रहेका तीनवटा प्रयोगशालामा गरिएको पीसीआर परीक्षणमा उनिहरुमा संक्रमण पुष्टि भएको हो ।
६२९ नमुना परीक्षण गर्दा ४४५ जना संक्रमित थपिएको जिल्ला कोभिड १९ संकट व्यवस्थापन केन्द्रले जनाएको छ । भेरी अस्पतालको पीसीआर प्रयोगशालामा ३०५ नमुना परीक्षण गर्दा २२२ जना, मेडिकल कलेजको प्रयोगशालामा ७३ नमुना परीक्षण गर्दा ५९ जना र बागेश्वरी ल्याबमा २५१ नमुना परीक्षण गर्दा १६४ जनामा संक्रमण पुष्टि भएको हो ।
संक्रमण मुक्त भएर बाँकेमा आज ४०९ जना डिस्चार्ज भएका छन् ।
