काठमाडौं १, मंसीर ।
देशभरका प्रयोगशालामा गरिएको पीसीआर परीक्षणमा सोमबार थप १ हजार १९७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा जम्मा ४ हजार ८३२ जनाको पीसीआर परीक्षण हुँदा ४६२ महिला र ७३५ पुरुषमा संक्रमण पुष्टि भएको हो ।
बितेको २४ घण्टामा देशभर २ हजार ९३४ जना संक्रमण मुक्त भई डिस्चार्ज भएका छन् । योसँगै देशभर संक्रमितको कुल संख्या २ लाख १० हजार ९७३ पुगेको छ भने संक्रमण जितेर डिस्चार्ज हुनेको संख्या १ लाख ७६ हजार ३६४ पुगेको छ ।
देशभर ३३ हजार ३७९ जना सक्रिय संक्रमित रहेका छन् ।
पछिल्लो २४ घण्टामा ९ जना कोरोना संक्रमितको मृत्यु भएसँगै कोरोना संक्रमणबाट ज्यान गुमाउनेको कुल संख्या १ हजार २३० पुगेको छ ।
