नेपालगन्ज २०, असोज ।
बाँकेमा मंगलवार पनि ठूलो संख्यामा कोरोना भाइरस संक्रमित फेला परेका छन् ।
भेरी अस्पताल नेपालगन्ज, नेपालगन्ज मेडिकल कलेज शिक्षण अस्पताल कोहलपुर र बागेश्वरी प्रयोगशालामा गरीएको परीक्षणमा ६६ जनामा भाइरस संक्रमण फेला परेको हो । भेरीमा ३६, मेडिकल कलेजमा २० र बागेश्वरीमा १० जनामा भाइरस संक्रमण पुष्टि भएको बाँकेका कोरोना फोकलपर्सन नरेश श्रेष्ठले जानकारी दिनुभयो ।
सोमवार ७० जना संक्रमित थपिएका थिए । योसँगै बाँकेमा कोरोना संक्रमितको संख्या २ हजार १ सय ८६ पुगेको छ । त्यसमा डिस्चार्ज हुनेको संख्या १ हजार ६ सय ७३ पुगेको छ ।
मंगलवार बाँकेमा २३ जना संक्रमित डिस्चार्ज भएका थिए । बाँकेमा भाइरस संक्रमणबाट २१ जनाको मृत्यु भएको छ ।
