नेपालगन्ज १२, कात्तिक ।
बाँकेमा बुधबार थप १८ जना कोरोना संक्रमित निको भएर डिस्चार्ज भएका छन् । महिला ६ र १२ पुरुष गरी १८ जना संक्रमित कोरोनामुक्त भएको जिल्ला कोभिड १९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिनुभयो ।

उनीहरुलाई कात्तिक २ गते कोरोना संक्रमण पुष्टि भएको थियो । उनीहरुलाई विभिन्न आइसोलेसनमा राखिएको थियो । योसँगै बाँकेमा कोरोना संक्रमणबाट मुक्त हुनेको संख्या २ हजार ६ सय ७८ पुगेको छ ।

अहिले जिल्लाका ११ सहित ३०७ जना सक्रिय संक्रमित विभिन्न आइसोलेसनमा उपचाररत छन् । जिल्लामा कोरोना संक्रमितको कूल संख्या ३ हजार ४ रहेको छ भने अहिलेसम्म भाइरस संक्रमणबाट ३० जनाको मृत्यु भएको छ ।