काठमाडौं:पछिल्लो २४ घण्टामा देशभर १०७ जनामा कोरोना भाइरस संक्रमण पुष्टि भएको छ ।
५ हजार ५३६ जनाको पीसीआर परीक्षण गर्दा ३७ जना महिला र ७० जना पुरुषमा कोभिड संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना भाइरस संक्रमण पुष्टि हुनेहरुको कुल संख्या २ लाख ७४ हजार ४८८ पुगेको छ । बिहिबार कोरोना संक्रमणबाट निको भएर देशभर ७८ जना डिस्चार्ज भएका छन् ।
योसँगै संक्रमण मुक्त भई डिस्चार्ज हुनेहरुको कुल संख्या २ लाख ७० हजार ६८३ पुगेको छ । देशभर ५७ जना क्वारेन्टाइनमा रहेको मन्त्रालयले सार्वजनिक गरेको तथ्यांकमा उल्लेख छ ।
गएको २४ घण्टामा भाइरस संक्रमणका कारण कसैको पनि ज्यान गएको छैन । हालसम्म ३ हजार १० जनाले कोरोना संक्रमणका कारण ज्यान गुमाएका छन् । अब ७९५ जना संक्रिय संक्रमित स्वास्थ्य लाभ गरिरहेको मन्त्रालयले जनाएको छ ।
