नेपालगन्जः कोरोना भाइरस संक्रमणबाट भेरी अस्पतालमा थप एकजनाको मृत्यु भएको छ ।
बर्दिया बासगढी नगरपालिका-९ की ३८ वर्षीया महिलाको मृत्यु भएको हो । उनलाई असोज २६ गते कोरोना संक्रमण पुष्टि भएको थिया । त्यसैदिन उनी अस्पताल भर्ना भएकी थिइन् ।
स्वास्थ्यमा सुधार नआउँदा उनको उपचारकै क्रममा आइतवार विहान ७ः ३० बजे मृत्यु भएको जिल्ला कोभिड १९ व्यवस्थापन केन्द्रले जनाएको छ ।
योसँगै उपचारका लागि बाँके आएका बाहिरी जिल्लाका ४ सय २४ जनाको मृत्यु भएको छ।
